БИШКЕК, 9-июн. — Sputnik. Мамлекеттик мүлктү башкаруу фондунун жетекчиси Жылдызбек Исакулов аталган ведомстводо реформа жүргүзүлгөндүгүн брифингде айтты.
Анын маалыматына караганда, ишкана экиге бөлүндү. Фонд акционердик уюмдар менен мамлекеттик ишканаларды өнүктүрүү боюнча иш алып барса, аукцион борбору мүлктү ижарага берүү жана менчиктештирүү жаатында иштейт.
Исакулов онлайн-аукцион өткөрүүнүн артыкчылыгын, мүлктү ижарага берүүдөн бюджетке түшкөн каражат арбыгандыгын айтты.
Фонд жетекчиси мисал келтирди. Дарыкананы ижарага берүү айына 3 200 сом турса, аукцион аркылуу иштегенде сумма 19 эсеге көтөрүлүп, 63 миң сом болгондугун айтты.
