БИШКЕК, 21-май — Sputnik. Бир сутка ичинде төрт медицина кызматкеринин COVID-19 жуктуруп алганы аныкталды. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
Анын айтымында, ошол эле учурда акыркы суткада коронавирус табылган эки медицина кызматкери айыгып, ооруканадан чыккан.
Муну менен республика боюнча 270 ак халатчан коронавирус жуктуруп алса, анын көбү, тагыраагы, 223ү сакайып, айрымдары кайра жумушка чыкты.
Коронавирустун кесепети
Кыргызстанда коронавирус 1313 кишиден табылса, анын 929у айыгып, 14ү каза болду.
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.
Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.
