БИШКЕК, 19-май — Sputnik. 20-майда Ысык-Көл облусунун көпчүлүк аймактарында, Чүй, Талас, Нарын облустарынын кээ бир райондорунда жана Ош, Баткен, Жалал-Абаддын тоо этектеринде жана тоолуу өрөөндөрүндө жаан жаап, күн күркүрөшү, бийик тоолуу жерлеринде кар жаашы күтүлөт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге, ал эми Нарын менен Ысык-Көл акваториясынын кээ бир аймактарында 15-20 метрге чейин жетет.
Абанын температурасы Чүйдө +20…+25, Таласта +19…+24, Ош, Баткен, Жалал-Абад облустарында +22…+27, Ысык-Көлдө +14…+19 жана Нарын жергесинде +15…+20 градус жылуу болору айтылды.
Бишкек жана Ош шаарларында жаан-чачын күтүлбөйт. Күндүн табы ордо калаада +22…+24 градуска чейин көтөрүлсө, Ошто +25…+27 градуска дейре жогорулайт.
