Бишкекте 1-майдан тарта иштеген ишканалардын тизмеси. Коменданттын буйругу

© Sputnik / Акылбек БатырбековРежим чрезвычайного положения в Бишкеке
Режим чрезвычайного положения в Бишкеке - Sputnik Кыргызстан
Жазылуу
Көрсөтүлгөн тизмеге ылайык, Бишкекте велосипеддерди сатуу жана ижарага берүү ишмердүүлүгүнө уруксат берилген. Ошондой эле бак-дарак, өсүмдүктөрдүн көчөттөрүн саткан базарлар иштей баштайт.

БИШКЕК, 1-май — Sputnik. Бишкек шаарынын коменданты 1-майдан тарта калаада иштей турчу ишканалар тууралуу буйрукка кол койду.

Тизмеде буга чейин өкмөт тарабынан айтылган тармактар камтылган.

Коменданттын буйругуна ылайык, 1-майдан тарта Бишкекте өнөр жай жана өндүрүш чөйрөсү иштейт. Анын ичинен:

  • энергетикалык өнөр жай;
  • химиялык жана нефтегаз өнөр жайы;
  • машина куруу, прибор жасоо жана электр техникалык өнөр жай;
  • тоо кен өнөр жайы, түстүү жана кара металлургия;
  • текстилдик жана булгаары-бут кийим өнөр жайы;
  • эмерек өнөр жайы;
  • курулуш материалдарды өндүрүү жана башка өнөр жай жана өндүрүш түрлөрү.

2. Курулуш тармагы:

  • курулуш объектилери;
  • сугат, таза суу жабдуулары, ошондой эле каналдар, жолдор жана көпүрөлөр чөйрөсүндөгү подряддык иштер;
  • кошо аткарылуучу жумуштар жана кызмат көрсөтүүлөр.

3. Транспорттук каражаттарды оңдоо жана тейлөө боюнча кызмат көрсөтүү чөйрөсү:

  • техникалык тейлөө жана оңдоо, май алмаштыруу жана сырдоо;
  • дөңгөлөктөрдү желимдөө жана түздөө;
  • жууп-тазалоо жана химиялык тазалоо.

4. Жеке жана мамлекеттик нотариустардын кызмат көрсөтүүлөрү.

5. Соода чөйрөсү:

  • интернет дүкөндөр (электрондук коммерция), товарларды жеткирүү, анын ичинде курьердик кызматты кошо;
  • курулуш материалдарын дүңүнөн сатуу жана жеткирүү, дүкөндөрдү (дүң соода түйүндөрү/кампалар/курулуш материалдарын жеткирүүчүлөрдү) кошпогондо;
  • кездемелерди жана фурнитураларды дүңүнөн сатуу жана жеткирүү, дүкөндөрдү (дүң соода түйүндөрү/кампалар/курулуш материалдарын жеткирүүчүлөрдү) кошпогондо;
  • автотетиктер, велотетиктер, комплекттөөчүлөр, май жана автосырдоо дүкөндөрү.

6. Чач тарачтар жана салондордун кызмат көрсөтүүлөрү.

Работа парикмахера - Sputnik Кыргызстан
Ош шаарында бүгүндөн тарта 7 тармак иштей баштады. Тизме
7. Такси кызматы (2ден ашык адам салбаганда).

Бишкекте велосипеддерди сатуу жана ижарага берүү ишмердүүлүгүнө да уруксат берилген. Ошондой эле бак-дарак, өсүмдүктөрдүн көчөттөрүн саткан базарлар иштей баштайт.

Буйрукта ишмердүүлүгүнө уруксат берилген тармактын баары санитардык талаптарды аткарышы керек деп жазылган. Мындан сырткары, ар бир чөйрөнүн жетекчилиги кызматкерлерин транспорт менен камсыз кылышы зарыл.

Кыргызстанда COVID-19 аныкталган 756 учур катталды. Анын ичинен 504ү айыгып, сегиз адам көз жумду.

Sputnik Кыргызстан редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Жаңылыктар түрмөгү
0