Министр: экзамен жана сессияларды онлайн-режимде алуу пландалууда

© Sputnik / Виталий Тимкив / Медиабанкка өтүүКиши онлайн режиминде окуп жатат. Архив
Киши онлайн режиминде окуп жатат. Архив - Sputnik Кыргызстан
Жазылуу
Каныбек Исаков экзамендерди дистанттык негизде алууда техникалык мүмкүнчүлүктөн тышкары, окуучу жана студенттердин билимин туура баалоо тапшырмасы бар экенин айтты.

БИШКЕК, 30-апр. — Sputnik. Быйылкы мамлекеттик экзамендердин бардыгын окуучу жана студенттерден дистанттык түрдө алуу пландалып жатат. Бул тууралуу брифинг учурунда билим берүү жана илим министри Каныбек Исаков билдирди.

Анын айтымында, окуу жылы аягына чыгарына аз гана убакыт калгандыктан жана карантиндик чектөөлөр узартылганына байланыштуу окуу процессин толугу менен онлайн-режимде аяктоо зарыл болуп турат.

“Учурда 9-11-класстардын бүтүрүү экзамендерин дистанттык негизде тапшыртуу боюнча даярдыктар көрүлүүдө. Ошондой эле студенттер дагы жайкы сессияны үйдө отуруп тапшырышы мүмкүн. Бул үчүн учурда ЖОЖдор техникалык мүмкүнчүлүгүн карап жатышат”, — деди министр.

Мындан тышкары, Исаков айтылган нерсенин баарын ишке ашырууда техникалык мүмкүнчүлүктөн тышкары, окуучу жана студенттердин билимин туура баалоо тапшырмасы бар экенин айта кетти.

Ошондой эле ал министрлик ушул тапта бүтүрүүчүлөргө билими тууралуу күбөлүк жана аттестатты убагында жеткирип берүүнү максат кылып жатканын кошумчалады.

Жаңылыктар түрмөгү
0