Үч район, бир шаарда өзгөчө абал режими токтотулмай болду

© Sputnik / Табылды КадырбековОбластная администрация в городе Нарын
Областная администрация в городе Нарын - Sputnik Кыргызстан
Жазылуу
Мындай чечим президент Сооронбай Жээнбеков башында турган Коопсуздук кеңешинин жыйынында кабыл алынды.

БИШКЕК, 28-апр. — Sputnik. Кара-Суу, Ноокат, Сузак райондорунда жана Нарын шаарында өзгөчө абал режиминин мөөнөтү узартылбай турган болду. Бул тууралуу президенттин маалымат кызматы билдирди.

Аскер кызматкерлери айдоочулардын документтерин текшерип жатышат. Архив - Sputnik Кыргызстан
Жээнбеков: Кыргызстандын 4 аймагында өзгөчө абал режими узартылат
Мындай чечим бүгүн президент Сооронбай Жээнбеков башында турган Коопсуздук кеңешинин жыйынында кабыл алынды.

Биринчи вице-премьер Кубатбек Боронов жана саламаттык сактоо министри Сабиржан Абдикаримовдун азыркы кырдаал тууралуу сунуштарын айткан.

Ал эми Бишкек, Ош, Жалал-Абад шаарлары менен Ат-Башы районунда өзгөчө абал режими 10-майга чейин узартылат.

Ал эми бүт Кыргызстан боюнча киргизилген өзгөчө кырдаал режими күчүндө калтырылат.

Өзгөчө абал режиминин узартылышы

Медициналык кызматкер термометр менен турган учурда. Архив - Sputnik Кыргызстан
Окумуштуулар Кыргызстанда коронавирустун мизи кайтар учурду айтышты
Белгилей кетсек, алгач Бишкек, Ош жана Жалал-Абад шаарлары, Ноокат, Кара-Суу, Сузак райондорунда өзгөчө абал режими 25-марттан 15-апрелге чейин киргизилген. Бирок кырдаалга карап кайра 30-апрелге дейре узартылып, тизмеге Нарын шаары менен Ат-Башы району да кошулган болчу. Кечки 21.00дөн эртең мененки саат 6.00гө чейин коменданттык саат киргизилген.

Мыйзамга ылайык, президенттин жарлыгы депутаттарга сунушталып, ӨА режимин узартуу маселесине акыркы чечимди Жогорку Кеңеш чыгарат. Парламентарий Элвира Сурабалдиева бул маселе эртең, 30-апрелде, караларын билдирген.

Жаңылыктар түрмөгү
0
Алгач жаңыларыАлгач эскилери
loader