Жалган маалымат! Бишкек коменданты уюмдардын 1-майдагы иши боюнча үн катты

Жазылуу
Интернет айдыңына түрдүү мекемелердин иш графиги жазылган билдирүү таркап жатат. Андагы маалыматка караганда, 1-майдан тарта бир катар уюмдардын иши жанданат.

БИШКЕК, 26-апр. — Sputnik. Бишкек шаарынын коменданты Алмаз Орозалиев түрдүү уюмдардын тизмеси жазылып, 1-майдан тарта алардын иши жанданат деген маалымат жалган экенин билдирди.

Белгилей кетсек, соцтармактарга калкты тейлөө борборлору, сауналар менен мейманканалар 11-майдан тарта иштей турганы, ал эми 1-майда чарба дүкөндөрү, сулуулук салондору ачылары тууралуу маалымат тарап жатат.

Орозалиев мындай график жазылган маалыматты Facebook баракчасына бөлүшүп, Fake (жалган) деген белгини койгон. 

Ал ошондой эле интернет колдонуучуларды чындыкка дал келбеген маалымат менен бөлүшпөөгө чакырган.

Жаңылыктар түрмөгү
0