Мекеменин коронавирус менен күрөшүүдө жасап жаткан иштеринин видеобаяны расмий YouTube каналына жарыяланды.
Министр Замирбек Аскаровдун айтымында, вирус менен күрөшүүдө ар бир кызматкерге жоопкерчилик жүктөлгөн. Бирок оорунун очогунда иштеп жаткандары да эске алынып, жеке коопсуздугуна кам көрүлүп жатат.
Ошондой эле мекеме тарабынан шаарларда жана региондордо обсервация жайлары уюштурулуп, анда жаткан адамдарга күн сайын үч маал ысык тамак берилүүдө.
Мындан тышкары куткаруучулар Мамлекеттик резервдер фонду жана башка мамлекеттер берген азык-түлүктөрдү жер-жерлерге жеткирип берүү кызматын аркалоодо.
Ал эми ӨКМдин 112 бирдиктүү номерине келген чалууларды диспетчерлер күнү-түнү тейлеп, миңдеген кишиге жооп кайтарышат. Жарандар коронавирус боюнча суроолор менен да көп кайрыла турганы белгиленет.
