БИШКЕК, 22-апр. — Sputnik. 23-апрель, бейшемби күнү, республика боюнча күн ачык болот. Бул тууралуу Кыргызгидромет билдирди.
Бийик тоолуу райондордо жолдор тайгак болот. Түштүк-чыгыштан соккон шамалдын ылдамдыгы секундасына 5-10 метрге чейин жетет.
Маалыматка ылайык, абанын температурасы Чүй өрөөнүндө +24…+29, Таласта +23…+28, Ош, Баткен, Жалал-Абад облустарында +25…+30, Ысык-Көлдө +17…+22 жана Нарын жергесинде +18…+23 градус жылуу болот.
Ал эми Бишкек шаарында күндүн табы +27…+29 градуска чейин жогоруласа, Ошто термометрдин көрсөткүчү +28…+30 градуска дейре жетет.
