БИШКЕК, 22-апр. — Sputnik. Кыргызстанда 22-апрелге карата коронавирус жуктурган 38 бейтап айыгып чыкты. Бул тууралуу Республикалык штабдан кабарлашты.
Маалыматка ылайык, айыккандардын бешөө Бишкекте, 25и Ош облусунда, бирөө Ош шаарында, Нарын облусунда экөө, Баткен облусунда үчөө.
Өлкө боюнча жалпысынан 254 бейтап айыгып, ооруканадан чыгарылганы айтылды.
Бишкек, Ош, Жалал-Абад, Нарын шаарлары жана Кара-Суу, Ноокат, Сузак, Ат-Башы райондоруна өзгөчө абал жарыяланып, кечки саат 21.00дөн 6.00гө чейин коменданттык саат киргизилген.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Мындан тышкары, Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
