БИШКЕК, 18-апр. — Sputnik. Россиянын Федерация кеңеши РФ жарандыгын алуу процедурасын жеңилдетүү мыйзамын колдоду. Бул үчүн эми чет элдик жарандыктан баш тартуу милдеттүү болбойт. Бул тууралуу РИА Новости жазды.
Маалыматка ылайык, СССРде жана анын курамында болгон өлкөлөрдө төрөлүп, бирок ал жактын жарандыгын ала электерге да жеңилдик каралган. Арыз тапшырып жана мыйзамдуу киреше булагын тастыктаганга чейин алардан Россияда үч жыл жашашы керек деген милдеттүү түрдөгү талаптар алып салынат.
Россияда туруктуу жашоого уруксаты бар Молдова, Украина, Белоруссия жана Казакстан жарандарынын өлкөдө канчадан бери жашап жаткандыгына карабай, жарандыкка арыз бере беришет.
Россиянын жогорку окуу жайларын бүтүргөндөрдүн эмгек ишмердүүлүгү бир жылга чейин кыскарат.
Мыйзам президент кол койгондон тарта иштей баштайт.
