БИШКЕК, 6-апр. — Sputnik. Италиянын 104 жаштагы тургуну коронавирустан айыкты. Бул тууралуу "Известия" басылмасы жазды.
A Grandmother, 104, who survived the Spanish flu pandemic has now become the oldest person in the world to fight off coronavirus https://t.co/ZNUfaHSUNo
— Daily Mail Online (@MailOnline) April 6, 2020
Ада Зануссо COVID-19 вирусун жеңген дүйнөдөгү эң улгайган адам аталды. Ал коронавирусту 17-мартта карылар үйүнөн жуктуруп, ооруканага жеткирилгенде калтырап, кусуп жаткан. Абалынын оор экендигине карабай, улгайган аял бул вирусту жеңип чыкты.
1918-жылы "испанка" пандемиясы болуп, бул илдеттен Ада дагы жабыркаганы айтылат. Бирок ал оорудан айыгып чыккан. Убагында "испанка" вирусу 50 миллионго чукул адамдын өмүрүн алган.
Эске салсак, Италияда коронавирусту жуктуруп алгандардын саны 128 миңден ашып, 15 миңдей адам көз жумду.
