БИШКЕК, 19-мар. — Sputnik. Кыргызстандын Улуттук банкы доллар эмне себептен 85 сомго чейин жогорулап кеткендиги боюнча түшүндүрмө берди.
Ага ылайык, АКШ долларынын кыргыз сомуна карата 84,9 сомго чейин бекемдешине коронавирус менен тышкы рыноктогу өзгөрүүлөр себеп.
"Коронавирустун жайылышы жана аны менен күрөшүү чаралары, ошондой эле мамлекеттердеги финансы рыногунда өзгөрүүлөрдүн болушу Кыргызстанга да таасирин тийгизүүдө. Мындай шартта чет элдик валютага талап жогорулап жатканы байкалууда. 19-мартта АКШ доллары кыргыз сомуна карата 84,9 сомго чейин бекемдеди. Буга реэкспорт операциялары менен акча которууларда валюта агымын төмөндөткөн өлкө экономикасынын ачыктыгы себеп", — деп айтылат маалыматта.
Улуттук банк бул боюнча чара көрүлөрүн убадалады.
Бүгүн, 19-мартта, эртең менен бир долларды сатып алуу 72,9 сом, ал эми сатуу 73 сом болуп жаткан. Кечке жуук курс кескин жогорулап, 85 сомго чыкты.
