Феминисттер маршынын катышуучулары эмнеге кармалды? Бишкек милициясынын жообу

© Sputnik / Табылды КадырбековБишкектеги феминсттер маршынын катышуучуларын кармап жаткан милиция кызматкерлери
Бишкектеги феминсттер маршынын катышуучуларын кармап жаткан милиция кызматкерлери - Sputnik Кыргызстан
Жазылуу
Yandex newsTelegram
Бишкекте феминисттердин пландалган маршы өтпөй калды. Себеби аларды кармап кетишти. Бишкек милициясынан окуянын чоо-жайын түшүндүрүп беришти.

БИШКЕК, 8-мар. — Sputnik. Бишкекте башталып, бирок аларды милиция кармаган феминисттердин маршы уруксатсыз өттү деп билдиришти борбор калаанын Свердлов райондук милициясынан.

Акция саат 12:00гө пландалып, уюштуруучулар "Жеңиш" аянтына келип, даярдыгын баштаган. Бир аздан соң ал жерде пайда болгон 30га чукул адамдар маршты таратканга аракеттенген. Ызы-чуудан кийин милиция келип, марштын катышуучуларын күч менен ошол жерге келген автобустарга салган.

Национальный музей изобразительных искусств имени Гапара Айтиева - Sputnik Кыргызстан
Жээнбеков музейде жылаңачтанган аялдар туурасында айтты
Маалыматтарга караганда, митинг "Феминалле" жана "8/365" деп аталган коомдук кыймылдар тарабынан уюштурулган.

Милициядан акция Свердлов району жана Бишкек мэриясы менен "тиешелүү түрдө" макулдашылган эмес дешти. Андан сырткары, уюштуруучулар тартип коргоо органдарынынын тартипти сакташы үчүн кабарлаган жок деп кошумчалашты. Мындан улам чагымчылдык жана коомдук тартипти бузуу учурлары болуп кеткени айтылды.

"Буга кошумча, Свердлов районунун жергиликтүү жашоочулары тарабынан санкция алынбаган, "Жеңиш" аянтында өткөн митингге нааразылыктар айтылды. Бул жер Улуу Ата Мекендик согушта, фашизмге каршы туруп курман болгондорду эскерген, жарандар урмат менен мамиле кылган жай", — дешти тартип коргоо органынан.

Аны менен катар эле милициянын жасаган кадамдарынан улам "митингдин катышуучулары менен бир катар тараптардын ортосундагы чатактын алдын алууга мүмкүн болду" дешти.

Чагымчылдык аракетине тиешеси бар делген адамдар да Свердлов райондук милициясына жеткирилген.

"Жеңиш" аянтында феминист кыз-келиндерди милиция кармап кеткен учурду биздин видеодон көрсөңүз болот.

Жаңылыктар түрмөгү
0