БИШКЕК, 19-фев. — Sputnik. Жалал-Абад облусунда жол кырсыгы болуп, эки киши көз жумду. Бул тууралуу Sputnik агенттигине Жол кыймылынын коопсуздугун камсыздоо башкы башкармалыгынан билдиришти.
Кырсык бүгүн, 19-февралда, саат 11.00 чамасында Бишкек — Ош жолунун 545-чакырымында, тагыраагы, Базар-Коргон районунда болду. Бишкекти көздөй келе жаткан 49 жаштагы айдоочу автоунааны башкара албай калган. Ошол маалда каршы тилкеге чыгып кетип, алдыдагы күйүүчү май ташуучу унаага урунган.
Ошол замат айдоочу менен 42 жаштагы жүргүнчү аял көз жумган. Ал эми 31 жаштагы аял менен өспүрүм жаракат алган, алардын ким экени такталып жатат.
Ошол замат айдоочу менен 42 жаштагы жүргүнчү аял көз жумган. Ал эми 31 жаштагы аял менен өспүрүм жаракат алган, алардын ким экени такталып жатат.
Аталган факты боюнча кылмыш иши козголуп, тергөө иштери жүрүп жатат.
