Радиостудия Sputnik Кыргызстан в Бишкеке - Sputnik Кыргызстан
Радио

Бакетаев: Бишкектин бюджетин 12 млрд. сомго жеткирүү пландалууда

© Sputnik / Эркин СадыковБишкек шаарынын мэринин экономика жана финансы саясаты боюнча биринчи орун басары Алмаз Бакетаев
Бишкек шаарынын мэринин экономика жана финансы саясаты боюнча биринчи орун басары Алмаз Бакетаев - Sputnik Кыргызстан
Жазылуу
Бишкек шаарынын мэринин экономика жана финансы саясаты боюнча биринчи орун басары Алмаз Бакетаев Бишкектин бюджети 10 миллиард сомдон ашканын, анын жарымынан көбү социалдык тармакка жумшаларын айтты.
Бакетаев: Бишкектин бюджетин 12 млрд. сомго жеткирүү пландалууда

Борбор калаанын 2021-жылдагы бюджетин 12 миллиард сомго жеткирели деп пландап жатабыз. Бул тууралуу Алмаз Бакетаев Sputnik Кыргызстан радиосуна маек куруп жатып билдирди.

Анын айтымында, быйылкы шаардык бюджет 10 миллиард 200 миң сом деп кабыл алынды, бирок жыл аягына чейин бул көрсөткүч дагы жогорулашы мүмкүн.

"Өкмөт жергиликтүү бюджеттин киреше булагын өстүрүү максатында жыл сайын көлөмүн көтөрүп, 2021-жылы жүз пайыз жергиликтүү бюджетке өтө тургандай шарт түзгөн. Мындан тышкары, жердин ижарасы, жарнама, автоунаа токтотуучу жайлар болуп, салыктык эмес кирешелер бар. Бул каражаттын 5,5 миллиард сому билим берүү, саламаттык сактоо, маданият жана социалдык коргоого 50 пайыздан ашыгы жумшалат. 1,3 миллиард сом тазалык, жашылдандыруу сыяктуу тиричилик коммуналдык чарбачылыкка кетет. Калган каражат муниципалдык кызматкерлердин маянасына жана муниципалдык карыздарды жабууга каралган", — деди Бакетаев.

Ошондой эле ал шаардык бюджеттин 80 пайызы салыктык кирешелер, 10 пайызы салыктык эмес кирешелер жана сегиз пайыздан ашыгы мамлекет тарабынан бөлүнгөн трансферттер экенин кошумчалады.

Жаңылыктар түрмөгү
0