Катарда Иманалиевдин арабчага которулган "Кыргыздар" китебинин бет ачары өттү. Сүрөт

© Фото / пресс-служба МИД КРПрезентация книги Каныбек Иманалиева "Кыргызы" на арабском языке в Дохе
Презентация книги Каныбек Иманалиева Кыргызы на арабском языке в Дохе - Sputnik Кыргызстан
Жазылуу
Эмгекте кыргыз элинин салты, тарыхы, табияты, улуу инсандары, улуттук баалуулуктары — комуз, боз үй, калпагы туурасында кеңири баяндалган.

БИШКЕК, 15-янв. — Sputnik. Доха шаарында Жогорку Кеңештин депутаты Каныбек Иманалиевдин араб тилине которулган "Кыргыздар" китебинин бет ачары болду. Бул тууралуу ТИМдин маалымат кызматынан кабарлашты.

Аталган эмгек 2020-жылдын 14-январында Дохадагы XXX эл аралык китеп көргөзмөсүнө коюлган.

Китеп буга чейин орус, англис, немец жана кытай тилдерине которулган.

"Китеп алгач 2002-жылы жарык көрүп, андан кийин бир нече тилдерге которулган. Анда кыргыз элинин салты, тарыхы, табияты, улуу инсандары, улуттук баалуулуктары — комуз, боз үй, калпагы туурасында кеңири баяндалган", — деп айтып берди автор Sputnik Кыргызстан агенттигине.

Презентация эпоса Манас на узбекском языке в Оше - Sputnik Кыргызстан
"Манас" эпосу өзбек тилинде жарык көрүп, окурмандарга сунушталды
Анын айтымына караганда, "Кыргыздарды" Катардын Туризм жана спорт министрлиги которткон.

Учурда Жогорку Кеңештин депутаттары Каныбек Иманалиев, Садык Шер-Нияз жана Эмил Токтошев Катарда иш сапар менен жүрөт.

Алар Катар парламентинин Азия өлкөлөрү менен кызматташуу боюнча депутаттык достук тобунун өкүлдөрү Али Абдилатиф жана Насер ал-Хумейди менен жолугушуп, эки өлкө ортосундагы саясий-экономикалык, маданий-гуманитардык байланыштарды арттыруу маселелерин талкуулашкан.

Буга чейин Иманалиев Кыргыз эл жазуучусу Кеңеш Жусупов менен түзүп чыккан "Кыргыздар" аттуу 20 томдук жарык көргөн.

Жаңылыктар түрмөгү
0