БИШКЕК, 24-дек. — Sputnik. Римдеги Колизей 2019-жылы туристтер эң көп келген жер болуп калды. Бул тууралуу "Известия" Trip Advisor сервисине таянуу менен билдирди.
Италиядагы тарыхый бул жай эки жыл катары менен рейтингдин көч башында. Экинчи орунда Париждеги Лувр музейи турса, үчүнчү орунду Ватикандагы музейлер ээлеген.
Ал эми төртүнчү орунга Нью-Йорктогу Эркиндик статуясы татып, алдыңкы бештикти Париждеги Эйфель мунарасы толуктайт.
Андан сырткары, туристтер көп барган жерлердин катарына Барселонадагы Ыйык Саграда-Фамилия чиркөөсү, АКШнын Жаңы Орлеан шаарындагы Француз кварталы, Амстердамдагы (Нидерланддар) Анна Франктын үйү кирген.
