БИШКЕК, 22-дек. — Sputnik. СССРдин эл артисти, белгилүү режиссёр Болот Шамшиев 24-декабрда "Ала-Арча" көрүстөнүндө жерге берилет. Бул тууралуу "Кыргызфильм" киностудиясынын жетекчиси Айбек Жангазиев билдирди.
Ал эми аны менен коштошуу 24-декабрда Абдылас Малдыбаев атындагы Опера жана балет театрында саат 9:30да башталат.
22 Бештин айы 2019, 00:24
Эскерте кетсек, Болот Шамшиев кечээ, 21-декабрда, Бишкек шаарында ооруканада көз жумган.
Болот Шамшиев 1941-жылы 12-январда Фрунзе шаарында туулган. Кыргыз ССРинин эл артисти, СССРдин эл артисти наамдары бар. "Ак кеме", "Караш-Караш окуясы", "Сүйүү закымдары", "Адамдардын арасында", "Эрте келген турналар", "Бөрү зындан", "Снайперлер", "Фудзиямадагы кадыр түн" жана башка белгилүү кинолордун режиссёру.
Ал атактуу акын Төлөн Шамшиевдин уулу болгон.
