700 млн. доллардын чыгарылышы. Суракка кимдер келип, кимдер келе элек

Жазылуу
УКМКнын буга чейин тараткан билдирүүсү боюнча, суракка Кыргызстан президентинин инаугурациясын өткөрүү боюнча жумушчу топтун мүчөлөрү Фарид Ниязов, Мухаммедкалый Абылгазиев, Турдуназир Бекбоев жана башкалар чакырылган.

БИШКЕК, 6-дек. — Sputnik. Бир нече жергиликтүү ЖМКлардын журналисттик иликтөөсүнүн негизинде Кылмыш-жаза кодексинин 39 жана 130-беренелеринин 1-бөлүгү («Киши өлтүрүүгө аракет жасоо») боюнча козголгон кылмыш иштерин тергөө уланууда. Бул тууралуу УКМКнын маалымат кызматы билдирди.

Ага ылайык, иликтөөдө айтылган фактыларды териштирүү боюнча ведомстволор аралык тергөө тобу түзүлгөн.

"Сотко чейинки териштирүүлөрдүн алкагында УКМКга Жогорку Кеңештин депутаттары Алтынбек Сулайманов, Дүйшөн Төрөкулов, экс-депутат Ширин Айтматова, Бажы кызматынын төрагасынын мурунку орун басары Райым Матраимов сурак беришти", — деп айтылат маалыматта.

Ошондой эле "Азаттык медианын" журналисттери Мухамедали (Али) Токтакунов жана Ыдырыс Исаковдор күбө катары суракка чакырылган.

УКМКнын буга чейин тараткан билдирүүсү боюнча Кыргызстан президентинин инаугурациясын өткөрүү боюнча жумушчу топтун мүчөлөрү Фарид Ниязов, Мухаммедкалый Абылгазиев, Турдуназир Бекбоев жана башкалар чакырылган.

Атайын кызмат тергөө иштеринин жүрүшү коомчулука ар дайым ачык маалымдалып турат деп ишендирүүдө.

Депутат ЖК шестого созыва Алтынбек Сулайманов - Sputnik Кыргызстан
Алтынбек Сулайманов: Айэркен Саймаитини он жыл мурда эле таанычумун
2019-жылдын ноябрь айынын аягында Кытайдан ташылган аткезчилик боюнча бир нече ЖМКнын биргелешкен иликтөөсү жарыяланган. Анда бир тууган Матраимовдор, атап айтканда, Бажы кызматынын төрагасынын мурдагы орун басары Райым Матраимовдун ишкер Хабибула Абдукадыр менен иш кылганы баяндалат. Материал 10-ноябрда Стамбулда өлтүрүлгөн ишкер Айэркен Саймаитинин көрсөтмөлөрүнө негизделген. Саймаити бир нече жыл ичинде Кыргызстандан 700 миллион доллардан ашык каражатты чыгарып кеткенин айтып берген. Ишкер өлөр алдында журналисттерге коррупциялык схемалар тууралуу билдирип, аларды далилдей турчу документтердин көбүн берип, айрымына үлгүрбөй калган.

25-ноябрда Бишкек менен Каракол шаарында коррупцияга каршы митинг өтүп, уюштуруучулар Райым Матраимовдун кармалышын талап кылышкан.

Жаңылыктар түрмөгү
0