БИШКЕК, 30-ноя. — Sputnik. Кыргызстандык аткаруучу Айдай Балбаева Россиядагы вокал боюнча сынакта баш байгени багындырды. Бул тууралуу анын устаты Гүлнара Тойгонбаева өзүнүн Instagram баракчасына жазды.
Посмотреть эту публикацию в Instagram
Жаш талант 24-29-ноябрь күндөрү Москва шаарында өткөн "Истоки" аталышындагы IХ эл аралык фестивалда жеңишке жетти.
"Биздин Айдай баш байгени утуп алды. Эмгекчил, чоң максаттарга умтулган кызыбыз ага татыктуу. Буюрса, мындай жеңиштер көп болсун", — деп жазган Тойгонбаева.
Аталган сынакка 16 мамлекеттен чогулган өспүрүмдөр катышкан. Кыргызстандын атынан Гүлнара Тойгонбаеванын 14 жаштагы шакирти барып ат салышты. Ал сегиз жашынан бери музыка менен алектенип, учурда "KGтай" балдар вокалдык тобунун мүчөсү.
