БИШКЕК, 18-ноя. — Sputnik. Италиянын Венеция шаарында акыркы 50 жылдан берки эң ири суу ташкыны болуп жатканын The Guardian басылмасы жазды.
Акыркы жумада Венеция шаары үч жолу суу алдында калды. Жекшемби күнү, 17-ноябрда, суунун деңгээли 1,5 метрге көтөрүлгөн. Калаа бийлиги туристтердин жана шаардыктардын коопсуздугу үчүн Ыйык Марк аянтын кайтадан жапты.
Суунун деңгээли кескин көтөрүлгөндүктөн шаардын 70 пайызы суу алдында калган. Анын ичинде ЮНЕСКОнун маданий мурастар тизмесине кирген имараттар да бар. Шаардагы музейлердин көбү жабылып, транспорт каттамдарына чектөө киргизилген. Ал эми жөө адамдар атайын салынган жолдор менен басууда.
Посмотреть эту публикацию в Instagram
Келтирилген чыгым болжол менен 1 миллиард еврону түзөт.
Посмотреть эту публикацию в Instagram
Венецияда ар төрт жыл сайын суунун деңгээли жогорулап турат. Бирок 115-125 сантиметрге көтөрүлүп, шаардын 10 пайызга жакын бөлүгүн гана каптайт.
