БИШКЕК, 16-ноя. – Sputnik. “Сары кемселчендердин” каршылык акциясы учурунда кармалгандардын саны 60тан ашты. Бул тууралуу РИА Новости жазды.
Буга чейин 46 киши кармалганы айтылган болчу.
#SputnikVidéo | Nouveaux échanges de projectiles entre manifestants et forces de l’ordre
— Sputnik France (@sputnik_fr) 16 ноября 2019 г.
Pour en savoir plus : https://t.co/NtwQ6gNS4e#Giletsjaunes #acte53 #Paris #ActeLIII #GJ #1anDeColere #16novembre pic.twitter.com/z6rFR5H8NV
Бүгүн, 16-ноябрда, Франциянын борбор калаасында “Сары кемселчендердин” кыймылынын бир жылдыгына карата каршылык акциясы өтүп жатат. Анын катышуучулары тосмолорду орнотуп, полиция менен тирешүүдө. Тартип сакчылар аларга каршы бир нече ирет көздөн жаш чыгара турган газ чачты.
#SputnikVidéo | #PlacedItalie, les tensions se poursuivent entre les manifestants et les forces de l’ordre
— Sputnik France (@sputnik_fr) 16 ноября 2019 г.
Pour en savoir plus : https://t.co/NtwQ6gNS4e#ActeLIII #GJ #16novembre #Giletsjaunes #Paris pic.twitter.com/YzCsNMoaEN
Коргонуучу каражаттары жок адамдар газдан улам жөтөлүп, аба жетпей кыйналышты. Кээ бирлери бутуна тура албай куласа, кеминде үч адам эс-учун жоготуп койгон. Жардамга келген ыктыярчылар тротуарда жаткандарды көтөрүп кетишкен. Мындай көрүнүштөн кийин митингчилер полицияга чабуул жасашты.
Акция учурунда бейбаштар бир нече таштанды челекке, унааларга өрт коюшту, андан чыккан түтүн көздөн жаш чыгара турган газ менен аралашып абаны булгады. Жерине куткаруучулар келип өрттү өчүрүүгө аракет жасашууда.
#SputnikVidéo | Une autre voiture incendiée dans les rues de #Paris a été éteinte par des pompiers
— Sputnik France (@sputnik_fr) 16 ноября 2019 г.
Pour en savoir plus : https://t.co/NtwQ6gNS4e#ActeLIII #GJ #16novembre #Giletsjaunes pic.twitter.com/8GScYgYdL4
Эске салсак, Францияда “Сары кемселчендердин” каршылык акциясы бир жыл мурда башталган. Алар күйүүчү майга болгон салыктын жана бензиндин кымбатташына каршы болуп, шаарда башаламандык жаралган.
