БИШКЕК, 10-ноя. — Sputnik. Ракты изилдөөнүн бүткүл дүйнөлүк фондунун адистери аталган оорунун өрчүп кетпөөсүнүн жөнөкөй жолдорун айтты. Бул тууралуу "Известия" жазып чыкты.
Илимпоздордун айтымында, ашыкча салмак эмчек, ичеги-карын, боор рагынын пайда болуусун шарттайт. Ошондуктан дарыгерлер аны алдын алуу үчүн дене тарбия менен алектенүүнү сунуштайт.
"Күн сайын жок дегенде жарым саат басып же көнүгүү жасоо кажет", — дейт окумуштуулар.
Ошондой эле тузду көп колдонуудан баш тартуу керек, биологиялык активдүү кошулмаларды аз пайдаланып, суткасына 400 граммдан кем эмес жашылча, мөмө-жемиштерди жеп туруу сунушталат.
Мындан сырткары, эт, өтө калориялуу азыктарды, спирт ичимдиктерин чектөө зарыл.
