БИШКЕК, 7-ноя. — Sputnik. Америкалык Керри Блох жана анын аутизм менен жабыркаган уулунун тарыхы көп адамды кайдыгер калтырбай, көңүлүн ойготкон. Бул туурасында Buzzfeednews жазды.
My 21 year old autistic son has no communication skills. Today he asked me his first question ever. It was. “Would someone like me?” pic.twitter.com/vw1DMQN9s8
— kerry bloch (@dsmom58) 30 октября 2019 г.
Керри Twitter аккаунтуна 21 жаштагы уулу Дэвиддин сүрөтүн жайгаштырган. Анда улан көптөн бери сүйлөө мүмкүнчүлүгүнөн ажырап, бир топ жыл өткөн соң үн катканы жазылган.
"Аутизм менен ооруган 21 жаштагы уулум киши менен сүйлөшө албайт. Бүгүн ал мага "Деги мен кимдир бирөөгө жагамбы?" деген суроо берди", — деп жазды энеси.
Дэвиддин энеси уулу жалгыз экендигин жана анын достору жоктугун айткан. Эми анын Twitter аккаунтуна жазган постунан кийин кайдыгер карабаган адамдар Дэвидге жардам берүү үчүн дүйнөнүн булуң-бурчунан колдоо көрсөткөн кат жазып баштаган. Андан сырткары, белектерди жөнөтүшкөн. Маалыматта бул азыр да уланып жатканы айтылган.
