БИШКЕК, 7-окт. — Sputnik. Жалал-Абаддын Кочкор-Ата шаарындагы борбордук базарда бүгүн, 7-октябрда, кечке жуук өрт чыкканын ӨКМдин маалымат кызматы билдирди.
Кырсык болгон жерге төрт өрт өчүрүүчү унаа тартылган.
Базардагы чыккан өрттүн видеосу Instagram баракчасында пайда болду.
ӨКМден кабарлашкандай, саат 20:50дө өрт чектөөгө алынган. Алдын ала маалымат боюнча, жаракат алгандар жана каза болгондор жок.
