БИШКЕК, 2-окт. — Sputnik. 3-октябрь, бейшемби күнү, түнкүсүн Ысык-Көл, Нарын облустарынын кээ бир жерлеринде жаан жаап, тоолуу райондордо кар жаашы мүмкүн, калган аймактарда жамгыр жаабайт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Маалыматка ылайык, абанын температурасы Чүй облусунда +15…+20, Таласта +14...+19, Нарын жана Ысык-Көл аймактарында +13…+18, ал эми Ош, Жалал-Абад жана Баткен облустарында +18…+23 градус жылуу болот.
Бишкек жана Ош шаарларында жаан-чачын күтүлбөйт, күндүн табы борбор калаада +17...+19, Ошто +19…+21 градуска чейин көтөрүлөт.
