БИШКЕК, 29-сен. — Sputnik. Кыргызгидрометтин божомолу боюнча келерки жумада өлкөнүн көпчүлүк аймагында күн сууктайт.
29-сентябрда түнкүсүн жаан-чачын күтүлбөйт, күндүз кээ бир райондордо жана тоолуу райондордо кар жаашы мүмкүн. Батыштан соккон шамалдын ылдамдыгы секундасына 4-9 метрден, айрым жерде 15-20 метрге чейин жетет.
30-сентябрь күнү көпчүлүк аймактарда мезгил-мезгили менен жаан жаап, Чүй, Жалал-Абад облустарынын тоо этектеринде, Ысык-Көл жана Нарын облусунун дыйканчылык аймактарында жаан карга айланат. Чүй, Талас, Жалал-Абад, Ош облустарынын кээ бир райондорунда жана Ысык-Көлдүн чыгышында жаан-чачын болот.
2-октябрда Ош, Жалал-Абад, Баткен, Ысык-Көл, Нарын облустарынын көпчүлүк аймактарында жаан жаап, тоолуу райондорунда кар жаашы мүмкүн. Чүй, Талас облустарынын тоо этектеринде жаан-чачын болуп, өрөөндөрдө күн ачык болот.
3-октябрда күндүз Ысык-Көл облусунун кээ бир райондорунда жаан жаап, тоолуу райондордо кар жаашы мүмкүн, калган аймактарда жаан-чачын күтүлбөйт.
Батыштан соккон шамалдын ылдамдыгы секундасына 4-9 метрден, 1-2-октябрда Ысык-Көл, Нарын облустарынын айрым жерлеринде 15-20 метрге жетиши ыктымал.
