БИШКЕК, 18-сен. — Sputnik. Кыргызстандын оор атлетика боюнча курама командасы Таиландда өтө турган дүйнө чемпионатына катыша турганын Жаштар иши, дене тарбия жана спорт агенттигинен кабарлашты.
Мелдеш 16-28-сентябрь күндөрү Паттайя шаарында өтөт. Ага өлкө атынан Иззат Артыков менен Бакдөөлөт Расулбеков катышып, спортчуларды машыктыруучулар Камбар Токтоналиев жана Өмүржан Молдодосов коштоп кетти.
Оор атлетчилерди дүйнө чемпионатына жиберүү үчүн олимпиадалык спорт боюнча дирекция 742 миң сом бөлгөн.
