БИШКЕК, 7-сен. — Sputnik. Ош шаарында маршрутка айдагандар окшош формага өтүүдө. Бул тууралуу Ош мэриясынан кабарлашты.
Ага ылайык, калаа башчысы Таалайбек Сарыбашовдун тапшырмасы боюнча кичи автобустардын айдоочулары Ош шаарынын эн белгиси түшүрүлгөн окшош форма кийип башташты.
"Учурда 5 багыт боюнча каттамга чыккан маршруткалардын айдоочулары окшош форма кийип башташты. Ош шаардык жүргүнчү транспорту агенттиги бул багытта иш алып барып, бардык 48 каттамга чыккан айдоочулардын баары бирдей форма киет", — деп айтылат маалыматта.
Ош мэриясынан кабарлашкандай, айдоочулар жашыл түстөгү күрмө кийишет.
