Күзүндө оорутпай турган үч азык аталды. Диетологдун сунушу

© Sputnik / Виталий Тимкив / Медиабанкка өтүүКара өрүк. Архив
Кара өрүк. Архив - Sputnik Кыргызстан
Жазылуу
Күзүндө дагы жаз мезгили сыяктуу организмге витаминдер жетишпей турганы белгилүү.

БИШКЕК, 30-авг. — Sputnik. Күзүндө ден соолукту чыңдоо үчүн кайсы жемишти жана жашылчаны көбүрөөк жеш керектигин Sputnik Тажикстан диетологдорго таянып жазды.

Адистин айтымында, ашкабак организмге абдан пайдалуу азык. Анын курамындагы бета-каротин көздүн көрүүсүн, терини жакшыртып, денедеги былжыр челдерди калыбына келтирет.

Муздаткычты ачып турган аял. Архив - Sputnik Кыргызстан
Адистер түндө шам-шум этүүнүн зыяндуу жактарын санап берди
Ошондой эле иммунитетти чыңдап, жөтөлдүн алдын алат. Ашкабактын курамындагы А витамини рактан жана меланомадан сактайт. Ал эми калий жүрөк-кан тамыр ооруларын болтурбайт. Ашкабак кандай бышырылса да пайдалуу касиеттерин жоготпой турганы белгиленет.

Кара өрүк дагы организмге аба менен суудай керек. Андагы антиоксиданттардын көптүгү картаюу процессин кечеңдетет. Мындан тышкары, кара өрүктө клетчатка, пектин жана С витамини бар.

Алмурут тамак сиңирүүгө жардам берет. Курамында калий, магний жана пектин бар. Адам тамакка ууланганда же холестериндин калдыктарын чыгарам дегенде алмурут жардамга келери белгиленген. Аны жада калса десерт катары же ботконун ордуна жесе болору айтылат.

Жаңылыктар түрмөгү
0