Непалда өткөн Азиянын аймактык чемпионатын утуп алган кыргызстандык волейболчулар өлкөгө учуп келди.
25 Баш оона 2019, 13:41
Спортчуларды "Манас" аба майданынан салтанаттуу түрдө бийлик өкүлдөрү, федерация жетекчилери жана күйөрмандар тосуп алышты.
Эске сала кетсек, кечээ, 24-августта, курама команда Непалда Азиянын аймактык чемпионатында биринчи орунга ээ болгон. Алар финалдык беттеште Өзбекстандын волейболчулары менен кез келип, 3:0 эсебинде жеңишке жеткен.
Ал эми жарым финалда Түркмөнстандын командасын 3:0 эсебинде уткан. Ага чейинки этаптарда Непал жана Мальдив аралдарынын курама командаларын да 3:0 эсеби менен артта калтырган.
Азиянын борбордук зоналык чемпионатында Кыргызстан, Непал, Мальдив аралдары, Түркмөнстан, Өзбекстан, Бангладеш жана Афганистан болуп жалпы жети өлкө ойноду.
