БИШКЕК, 25-август — Sputnik. 26-августта өлкө аймагы боюнча жаан-чачын күтүлбөйт, күн ачык болот. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Билдирүүгө ылайык, абанын температурасы Чүйдө +29…+34, Таласта +26…+31, Нарын жергесинде +22…+27, Ысык-Көлдө +20…+25, Ош, Баткен жана Жалал-Абад облустарында +30…+35 градуска жетет.
Күндүн табы Бишкек шаарында +32…+34, Ош калаасында +33…+35 жана Чолпон-Атада +21…+23 градуска чейин көтөрүлөт.
