БИШКЕК, 19-авг. — Sputnik. Мурдагы президент Алмазбек Атамбаевдин тарапташы Фархад Баабиев бир жарым айга камакка алынды. Бул туурасында ИИМден кабарлашты.
Ички иштер министрлиги мекеме аралык иликтөө тобу Кой-Таштагы башаламандык фактысы боюнча териштирүү иштерин жүргүзүп жаткандыгын белгиледи.
"Фархад Баабиев 7-8-август күндөрү массалык башаламандыкка катышканы белгилүү болду. 16-августта ага карата Кылмыш-жаза кодексинин 264-беренеси боюнча ("Массалык баш аламандыкка катышуу") иш козголду. Биринчи Май райондук соту баш коргоо чарасын тандап, ушул жылдын 9-октябрына чейин абакта калтырды", — деп айтылат маалыматта.
Билдирмеде Баабиевдин кайсы абакта экендиги такталган эмес.
ЖМКлардын маалыматы боюнча, ал КСДП партиясынын Ленин районундагы өкүлү катары Атамбаевди коргоого активдүү катышып келген.
Кой-Таш окуясы
Ички иштер министринин мурунку орун басары Курсан Асановдун сүйлөшүүсүнөн кийин Атамбаев багынып берген. УКМКга алып келинген мурунку президент Биринчи Май райондук соту 26-августка чейин камакка алынган.
16-август күнү Атамбаевдин жактоочулары тарабынан берилген доо арыздын негизинде көчмө жыйын өтүп, Бишкек шаардык соту аны камакта калтыруунун мөөнөтүн ошол боюнча калтырган.
