Башкы прокуратура: Курсан Асанов Кашкар Жунушалиевдин тилин албай койгон

© Фото / пресс-служба МВД КРМинистр внутренних дел Кашкар Джунушалиев
Министр внутренних дел Кашкар Джунушалиев - Sputnik Кыргызстан
Жазылуу
НовостиTelegram
Асанов 13-августта "кыргыз милициясына чыккынчылык кылды, ишеничтен кетти" деген негиз менен кызматтан алынган болчу.

БИШКЕК, 14-авг. — Sputnik. Башкы прокуратурага Курсан Асановдун аракети боюнча ИИМдин ички иликтөө кызматынын корутундусу келип түшкөнүн мекеменин маалымат кызматы билдирди.

Анда Асанов кайсы иштери үчүн сурак берип жатканы айтылат. Асанов 13-августта "кыргыз милициясына чыккынчылык кылды, ишеничтен кетти" деген негиз менен кызматтан алынган болчу.

"Ички иштер министринин орун басары, милициянын генерал-майору Курсан Асанов 7-8-августта ички иштер министринин талаптарына жана буйругуна бир нече ирет баш ийбей жана укугу жок болсо да министрдин макулдугусуз өз алдынча чечим кабыл алган. Андан сырткары, ички иштер органдарынын жеке курамын башкаруусуз калтырган. Мында мыйзам одоно бузулган", — деп айтылат маалыматта.

Заместитель МВД КР Курсан Асанов - Sputnik Кыргызстан
Курсан Асанов суракта. Аскер прокуратурасы кылмыш ишин козгоду
Аны менен катар Асановдун далил болчу буюмдарды жана маанилүү делген документтерди тергөө органдарынан жаап-жашырганы айтылат.

Кызматтык териштирүүнүн корутундусун карап чыккандан кийин чогултулган материалдар Кылмыштардын жана жоруктардын бирдиктүү реестрине Кылмыш-жаза кодексинин 320-беренесинин 4-бөлүгү ("Кызматтык абалынан пайдалануу") боюнча каттоого алынып, сотко чейинки териштирүү иштерин жүргүзүү Аскер прокуратурасына тапшырылган.

Учурда тажрыйбалуу тергөөчүлөрдөн атайын топ түзүлүп, тийиштүү иш-чаралар жүргүзүлүүдө.

Жаңылыктар түрмөгү
0