Радиостудия Sputnik Кыргызстан в Бишкеке - Sputnik Кыргызстан
Радио

Моңолдоров: оймочу, шырдакчы, саймачы энелерибиз улгайып баратат

© Sputnik / Асель АкматалиеваЧлен союза художников Шейшенбек Монолдоров
Член союза художников Шейшенбек Монолдоров - Sputnik Кыргызстан
Жазылуу
Сүрөтчүлөр союзунун мүчөсү, Кесиптик билим берүүнүн отличниги Шейшенбек Моңолдоров кол өнөрчүлүккө байланышкан кыргыз тилиндеги китептер аз экенин айтты.
Моңолдоров: оймочу, шырдакчы, саймачы энелерибиз улгайып баратат

Оймочулук, саймачылык өнөрлөрүн жайылтуу жана жаш муундарга өткөрүп берүү максатында кыргызча "Кыргыздын улуттук оюм-чийимдери" жана "Булгаары буюмдарын көркөмдөө ыкмалары" аттуу китептер жарык көрдү. Бул тууралуу Шейшенбек Моңолдоров Sputnik Кыргызстан радиосунун таңкы эфиринде маек куруп жатып билдирди.

Анын айтымында, оймочу, шырдакчы, саймачы энелер улгайып бараткандыктан, мындай баалуулуктарды убагында жаштарга сөзсүз үйрөтүү абзел.

"Биз студент кезде кол өнөрчүлүккө байланышкан кыргызча китептер жок болуп абдан кыйналганбыз. Россиядан орус тилиндеги китептер келчү, бирок биздин менталитетке көп байланышкан эмес эле. Мындай көйгөй азыр деле жок эмес. Ошол себептен Билим берүү жана илим министрлигинин колдоосу менен "Кыргыздын улуттук оюм-чийимдери" жана "Булгаары буюмдарын көркөмдөө ыкмалары" аттуу эки китебим басылып чыкты. Бет ачар аземинен кийин эмгектеримди сурагандар көбөйдү. Китеп жаратуунун башкы максаты — улуттук баалуулуктарыбызды жаштарга үйрөтүү. Антпесе, оймочу, шырдакчы, саймачы энелерибиз улгайып баратат. Ошондуктан кол өнөрчүлүккө кызыккан дилгир улан-кыздарга окуу куралдарды жетиштүү түрдө камсыздап беришибиз керек", — деди ал.

Моңолдоров мындан сырткары кыргыз кол өнөрчүлүгүн чет жерде таанытып жаткан жаштар да жок эмес экенин кошумчалады.

Виджет news
Жаңылыктар түрмөгү
0