Радиостудия Sputnik Кыргызстан в Бишкеке - Sputnik Кыргызстан
Радио

Жолдошов: "Манас" эпосунун үч томдук романы жарык көрдү

© Sputnik / Досхан НусупбековПисатель, сценарист Толонбай Жолдошев
Писатель, сценарист Толонбай Жолдошев - Sputnik Кыргызстан
Жазылуу
Жазуучу, сценарист, "Манас" эпосунун кара сөз түрүндөгү дагы бир романдын автору Төлөнбай Жолдошов эпосунда камтылган руханий баалуулуктар калың элдин бардык катмарына кеңири жайылбай жатат деген пикирин айтты. 
Жолдошов: "Манас" эпосунун үч томдук романы жарык көрдү

Автор "Манасты" бардык каалоочуларга, өзгөчө келечек муундун өкүлдөрүнө түшүнүктүү кылуу үчүн аны кара сөз түрүндө үч томдон турган роман кылып жазып чыккан. Бул тууралуу Төлөнбай Жолдошов Sputnik Кыргызстан радиосуна маек куруп жатып билдирди.

Анын айтымында, роман Сагымбай Орозбаковдун вариантындагы "Манастын" негизинде жазылды. Анткени аталган манасчы баатырдын бардык касиеттерин өтө көркөм сүрөттөп, анын мүнөзүн толугу менен ачып берген.

"Манас" бул 500 миң саптан турган дүйнөдөгү эң көлөмдүү эпос болгондуктан аны жөнөкөй адамга ыр түрүндө өздөштүрүш өтө татаал. Ошол себептен эпосто камтылган руханий баалуулуктарды коомчулуктун калың катмарына жайылта албай жатабыз. Мындан улам "Манасты" кара сөз түрүндө роман кылып жазуу идеясы келди. Анткени аны буга чейин сценарий катарында иштеп чыккам. Романды баштардын алдында "Манастын" бир нече варианттарын окудум. Арасынан Сагымбай Орозбаковдун варианты жакты. Бүгүнкү күндө "Манас" эпосунун кара сөз түрүндөгү романынын эки тому жарык көрдү. Сентябрдын башында үчүнчүсүн басып чыгарам деп пландап жатам.  Эми ал жогорку класстын окуучулары үчүн "Манас" таануу сабагын өздөштүрүүгө кошумча материал катары окутулат деген илгери үмүт бар", — деди Жолдошов.

Ошондой эле ал "Манас" эпосунун кара сөз түрүндөгү романынын биринчи тому 1000 жана экинчи бөлүгү 100 нуска менен басылып чыккандыгын кошумчалады.

Жаңылыктар түрмөгү
0