Башкы прокуратура Атамбаевге коюлган алты айыпты кыскартты. Корутунду

© Sputnik / Табылды КадырбековПразднование 25-летия независимости Кыргызстана в Бишкеке
Празднование 25-летия независимости Кыргызстана в Бишкеке - Sputnik Кыргызстан
Жазылуу
Башкы көзөмөл орган мындай жыйынтыкка ЖК комиссиясынын корутундусунан кийин келген.

БИШКЕК, 25-июн. — Sputnik. Алмазбек Атамбаевге Жогорку Кеңештин атайын комиссиясы тарабынан коюлган алты айыптын бешөөнө экс-президенттин тиешеси болушу мүмкүндүгү байкалды. Бул тууралуу башкы прокурор Өткүрбек Жамшитов Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитеттин талкуусу учурунда билдирди.

Эскерте кетсек, ЖК комиссиясы Атамбаевдин алты кылмышка тиешеси бар болушу мүмкүндүгү тууралуу корутунду чыгарып, ага юридикалык баа берүү үчүн Башкы прокуратурага жөнөткөн.

"Коюлган алты айыптын биринчиси негизсиз деп табылды. Калган бешөөндө кылмыштын белгилери байкалып турат", — деди Жамшитов.

Бүгүн, 25-июнда, көзөмөл органдын тыянагы комиссияга келип, ал комитетте каралууда. Депутаттар башкы прокурор Өткүрбек Жамшитовдун билдирүүсүн угуп жатышат.

Башкы прокуратуранын чечимин уккан тармактык комитет Алмазбек Атамбаевди макамынан ажыратуу боюнча маселени Жогорку Кенештин кароосуна жиберди.

Жаңылыктар түрмөгү
0