БИШКЕК, 17-июн. — Sputnik. Афганистанда болжол менен 2 миң жыл мурда курулган мунара урап калды. Бул тууралуу Tolo news басылмасына шилтеме берип Sputnik Өзбекстан агенттиги жазды.
Газни шаарында болгон бул окуяны күбө видеого тартып алууга жетишкен.
A tower in the ancient Ghaznain Fort in Ghazni’s old city collapsed on Tuesday. The fort had 32 towers, most of which have collapsed over the past few years due to “inattention” by relevant government departments. pic.twitter.com/fvo9ntb3Vo
— TOLOnews (@TOLOnews) 11 июня 2019 г.
Коомчулук тарыхый мураска бийлик тарабынан шалаакы мамиле кылынганын айтып сындап жатат.
"Алгач Газниде ушул сыяктуу 36 мунара бар эле. Кийин согуш жана жаратылыш кырсыктарынан улам 14ү талкаланып жок болгон", — деп жазылат макалада.
Газни VII кылымга чейин буддизмдин өнүгүп-өскөн борбору болуп эсептелген. 683-жылдары араб аскерлери ислам динин алып келген. Ал эми XIII кылымда шаар Чыңгыз хандын аскерлери тарабынан талкаланган. 2013-жылы ЮНЕСКО Газнини Азиядагы ислам маданиятынын борбору катары тааныган.
