БИШКЕК, 15-июн – Sputnik. Ош облусунун Ноокат районунун Бел-Өрүк айылынын 13 жашар тургуну чагылган тийип каза тапты. Бул туурасында ӨКМдин маалымат кызматынан кабарлашты.
Билдирмеге ылайык, окуя 15-июнь күнү саат 14:45 чамаларында болгон.
Анда Бел-Өрүк айылынын 2006-жылкы тургуну короодо жумуш жасап жаткан учурда чагылган түшүп, ооруканага жеткизилгени айтылат.
ӨКМдин маалыматы боюнча, бала ооруканадан жан берген.
