БИШКЕК, 14-июн. — Sputnik. Ар кайсы өлкөнүн окумуштуулары эстөөнүн себебин жана пайдасын айтып бергенин "Известия" жазды.
Белгилүү болгондой, мындай рефлекс мээни сергитүүгө жардам берет. Окумуштуулар эстөө мээге барган жылуу канды айдап, муздак канды жиберип турарын айтышкан.
Айтылгандарды иш жүзүндө да далилдеп көрүшкөн. Натыйжада канын ар кандай компресс (ооруган жерге коюлуп байлануучу таңгыч — ред.) менен муздатып жүргөндөр чанда эстеген. Себеби аларда мээни сергитүүгө негиз жок болчу. Тескери көрүнүш башынын кан басымы жогорулап кеткендерде кездешкен. Алар тез-тез эстеп турары айтылды.
