Үч кап кант үчүн бычакталып... 90-жылдардагы кылмыштар

© AFP / EMMANUEL DUNANDБычкатар. Архив
Бычкатар. Архив - Sputnik Кыргызстан
Жазылуу
Өлкөдө 25 жыл мурун июнь айында бир топ кандуу окуялар катталган. Ага ошол кездеги басылмаларга чыккан макалалар далил.

Sputnik Кыргызстан агенттигинин кабарчысы гезит беттерине көз чаптырып, коомчулукту дүрбөлөңгө салган окуяларды тизмектейт.

Кыргызстанга курал ташыгандар

Окуучу кыздар. Архив - Sputnik Кыргызстан
Зордукчудан качкан окуучу кыз 2-кабаттан кулап... 90-жылдардагы кылмыштар
Москвада эки кыргызстандык ишкерди россиялык укук коргоо кызматкерлери колго түшүргөн. Алар Закавказьеден ири сандагы курал-жарак алып келе жатып кармалган. Шектүүлөр тапанчадан тарта снайпердик винтовка, автомат, жардыруучу каражаттарга чейин жүктөп келе жатышкан. Согушта колдонулуучу курал эмнеге Бишкекке алынып бара жаткандыгын погончондор тактоого аракет жасаган.

Кантка бааланган өмүр

Соттолуучу жанына эки баланы ээрчитип алып кампага уурулукка кирген. Окуучуларды көчөдө күттүрүп коюп, ишкананын дубалынан секирип кирип кароолчуну бычактап өлтүрөт. Андан соң үч мүшөк кантты көтөрүп чыгып, өспүрүмдөрдүн жардамы менен аны маркумдун велосипедине жүктөп кеткен. Эртеси бычагы менен велосипедди Чоң Чүй каналына ыргытып, кантты сатып жиберген. Кийин ал укук коргоо кызматкерлеринин колуна түшүп, буга чейин эки жолу соттолгон эргул фемида өкүлдөрү тарабынан өлүм жазасына тарткан.

Куралчан эргулдар

Төрт адамдан турган кылмыштуу топ борбор калаанын тургундарын курутуп келген. Куралданган жаштар күч колдонуп адамдарды көчөдө, өз үйүндө тоноп, айрымдарын көчөдө эле ит аткандай атып кете баштаган. Колго түшкөнгө чейинки алардын акыркы жортуулу топтун башчысынын атасынын үйүнө болгон. Кичинекей кезинде таштап кеткен атасынан өч алуу үчүн "достор" өз үйүндө качканга аракет кылган бүлө башчысын тынчыткан. Сот алардын анабашчысын өлүм жазасына тартса, калган үчөөнү узак жылдарга темир тор артында калтырган.

250 килограмм сымап

Случаи смертельной драки в КР - Sputnik Кыргызстан
Кара-Көлдө 10 жылдыктар эки милиционерди сабап салды
Эки кесиптеш өздөрү эмгектенген ишканадан 250 килограмм сымап уурдап кеткен. Мындай маалыматтарды уккан погончондор менен ак халатчандар өздөрүн коерго жер таппай калган. Анткени 10 грамм эле уулуу зат бир топ чалмакейди чалмак. Адистердин пикиринде, 250 килограмм зат Кыргызстандын бүт аймагын ууландырганга жетмек. Уурулар кампанын чатырын тешип, сымаптарды жип менен тартып чыгарып үйгө алып келишкен. Бирок укук коргоо кызматкерлери аларды тез эле кармаган. Жеңил акча тапкысы келгендер аны кытайлыктарга кымбат баада сатууну көздөшкөн.

Төкөлдөштөгү атышуу

Бишкек шаарындагы жер үйлөрдүн биринин алдында төрт тургун автомат менен атып өлтүрүлгөн. Аларды аскердик бөлүктө иштеген офицерлер жумуштан алып чыккан үч автомат менен атканы аныкталган. Кылмышкерлердин мындай кадамга баруусуна көз жумгандардын бирөөсүнүн карызды бербей жүргөнү себеп болгон. Тергөө маалында алардын үйүнөн толгон курал-жарак табылып, кылмышкерлерди колго түшүрүү үчүн милиция, аскер бөлүктөрү тартылган.

Жаңылыктар түрмөгү
0