БИШКЕК, 4-июн. — Sputnik. Бүгүн борбор калаада "STEM тармагындагы аялдар — келечектеги Кыргызстандын образы" аттуу форуму өтөт. Бул туурасында "Роза Отунбаеванын демилгеси" эл аралык коомдук фондусунан кабарлашты.
Форумдун жүрүшүндө "Кыргызстандын илимдеги жана техникадагы айымдары" китебинин бет ачары болот.
Исхак Раззаков атындагы Кыргыз мамлекеттик техникалык университетинде болчу форумга Кыргызстандын STEM чөйрөсүндөгү көрүнүктүү илимпоз айымдары, республиканын ЖОЖдорунун жетекчилери катышат. Андан сырткары, мамлекеттик мекемелердин, бизнес-сектордун, робот техникасы жана программа түзүү боюнча уюмдардын өкүлдөрү, студенттер, аталган тармактын мүчөлөрү катышмакчы.
Отунбаеванын ишке ашырып жаткан "STEM тармагындагы айымдардын мүмкүнчүлүктөрүн кеңейтүү жана ролун жогорулатуу" долбоорунун жыйынтыгы чыгарылат.
