Аталган видео YouTube каналына жайгаштырылды.
"Популярдуу механикалар" журналынын маалыматына караганда, HyQReal роботунун төрт буту бар, узундугу 133 сантиметр, бийиктиги 90 сантиметр, салмагы 130 килограмм. Төрт электр кыймылдаткыч жана 48 вольттук батарея менен жабдылган.
Ал көргөзмө учурунда Piaggio P180 Avanti учагын сүйрөгөн. Аба кемесинин узундугу 14,4 метр, канатынын узундугу 14 метр, ал эми салмагы 3,3 тоннаны түзөт.
Бул роботтун ойлоп табуучулары эми куткаруу операцияларында адамдарга жардам бере ала турган роботторду да иштеп чыгууну көздөөдө.
