Ош облусунда катуу жааган жамгырдан улам сел жүрдү. Бул тууралуу жергиликтүү тургундар кабарлашты.
Жаратылыш кырсыгы болгонун Өзгөчө кырдаалдар министрлигинин маалымат кызматы да тастыктады.
Ага ылайык, 18-майдан 19-майга караган түнү Ноокат районундагы Зулпуев, Жатан айылдарында сел жүргөн. Кокту-колоттон аккан суу тургундардын короолору менен турак-жайларын каптаган.
Учурда жеринде ӨКМдин ыкчам тобу иштеп жатат, азырынча жабыркагандар менен жапа чеккендердин саны айтыла элек.
