БИШКЕК, 9-май — Sputnik. "Бишкек жылуулук тармагы" ишканасы окуучулар менен студенттер арасында эссе жана сүрөттөр сынагын жарыялады. Бул тууралуу аталган мекеменин маалымат кызматынан билдиришти.
"Бирге жаркынбыз — Кыргызстан" фестивалынын алкагында электр энергиясын сарамжал пайдалануу боюнча 18-20 жаштагы студенттер арасында эссе жана 7-10 жаштагы окуучулар арасында сүрөт сынагы өткөрүлмөкчү.
Мыкты эссе жазган студенттерге берилчү сыйлыктар:
- 1-орун — 5 000 сом;
- 2-орун — 3 000 сом;
- 3-орун — 2 000 сом.
Мыкты сүрөт тарткан окуучуларга берилчү сыйлыктар:
- 1-орун — 5 000 сом;
- 2-орун — 3 000 сом;
- 3-орун — 2 000 сом.
Сынактын негизги максаты — өсүп келе жаткан муунду электр энергиясына сарамжал мамиле кылууга үйрөтүү.
Эмгектер 8-27-май күндөрү кабыл алынат. Кошумча маалымат үчүн 0312-61-11-69 номерине чалса болот.
