БИШКЕК, 7-апр. — Sputnik. Кыргызгидромет бир жумага карата аба ырайынын божомолу тууралуу маалымат таратты.
Ага ылайык, 8-апрелде түнкүсүн жаан-чачын күтүлбөйт, күндүз Ош, Жалал-Абад, Баткен облустарынын тоолуу райондорунда жамгыр, бийик тоолордо кар жаашы мүмкүн, калган аймактарда жаан жаабайт. Ал эми 9-апрелде түнкүсүн жаан-чачын күтүлбөйт, күндүз Ош, Жалал-Абад, Баткен облустарынын тоолуу райондорунда жана тоо этектеринде жаан, бийик тоолордо кар жаашы ыктымал. Башка аймактарда жаан-чачын күтүлбөйт. 10-11-апрелде көпчүлүк аймактарда мезгил-мезгили менен жаан жаап, бийик тоолуу райондордо кар жаай турганы айтылат. Батыштан соккон шамалдын ылдамдыгы секундасына 4-9 метрге жетет.
Апта соңунда, 12-апрелде, кээ бир райондордо жаан жаашы болжолдонууда, 13-апрелден тарта күндүн көзү ачылып, абанын температурасы жогорулайт.
Бишкек менен Ош шаардарында 8-9-апрель күндөрү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.
