Видео You Tube каналына жайгаштырылган.
Окуя Бельгияда болгону айтылууда. Иттин сахнага чыгып, асманды карап алып "обон созгон" учуру калыстар тобун эле эмес, залда отургандарды бир кыйла жанданткан. Андан сырткары, интернетке чыгып, миллиондогон көрүүчүлөрдүн ар кыл пикирин жаратты.
Адамдын досу деп эсептелип келген бул жаныбар Уитни Хьюстондун I Will Always Love You деп аталган композициясын "аткарган". Видеодон "артистти" сахнанын жанында отурган кожоюну дем берип, сүрөп турганын көрүүгө болот.
Буга чейин интернет айдыңына кинодогу каармандар үчүн тынчсызданган иттин видеосу да тараган.
