БИШКЕК, 3-апр. — Sputnik. КР өкмөтү менен Инвестицияларды илгерилетүү жана коргоо агенттиги "Кыргызстандын мыкты экспорттоочусу – 2019" улуттук сынагын жарыялап, ага экспортчуларды катышууга чакырат. Бул тууралуу министрлер кабинетинин маалымат кызматынан кабарлашты.
Сынактын максаты — Кыргызстандан продукцияларды экспорттоого жардам берип, атамекендик ишкерлерге колдоо көрсөтүү.
Ал эми милдетине мыкты экспорттоочу компанияларын аныктоо, чет элдик кардарларга алар тууралуу маалымат жеткирүү, Best Exporter of the Kyrgyz Republic брендин жайылтуу кирет.
Сынакка Кыргызстанда катталган бардык экспортчулар катыша алат.
Документтер топтому жана кошумча маалымат www.export.gov.kg сайтында жайгашкан.
