БИШКЕК, 29-мар. — Sputnik. Бишкекте өткөн Кыргыз-Россия аймактар аралык VIII конференциянын жыйынтыгында жалпы суммасы 6 миллиард 135 миллион долларлык 53 документке (келишим, контракт, меморандум жана жол картасы) кол коюлган. Бул тууралуу Кыргызстандын Экономика министрлигинин маалымат кызматы билдирди.
Аталган конференция 27-28-мартта өткөн.
Кол коюлган документтердин тизмеси:
- Инвестициялык кызматташуу боюнча 35 документ — 5 миллиард 514,7 миллион доллар;
- Соода-сатык боюнча 18 келишим — 620,16 миллион доллар;
- Энергетика тармагы боюнча эки документ — 2,5 миллиард доллар;
- Жер казынасын жана тоо-кен тармагы боюнча үч документ — 1,73 миллиард доллар;
- Өнөр-жай тармагында беш документ — 537,5 миллион доллар;
- Соода-логистика, айыл чарба жана агроөнөржай комплекси боюнча 17 документ — 497,2 миллион доллар;
- Транспорт тармагында эки документ — 100 миллион доллар;
- Финансы жаатында кызматташуу боюнча төрт документ — 100 миллион доллар;
- Маалымат-коммуникация технология тармагында — 50 миллион доллар;
- Соода-сатык тармагы боюнча:
- Айыл чарба продукцияларын жеткирүү боюнча 13 контракт — 88,36 миллион доллар;
- Өнөр жай продукцияларын жеткирүү боюнча 5 контракт — 531,8 миллион доллар.
